Innlit í eina heitustu íbúð landsins

SMARTLAND  | 16. september | 19:13 
Halldór Eiríksson arkitekt hjá Tark er einn af þeim sem hönnuðu nýju glæsibygginguna við Reykjavíkurhöfn. Hann segir að það hafi verið mikil áskorun að búa til íbúðir sem fólk vill búa í.

Halldór Eiríksson arkitekt hjá Tark er einn af þeim sem hönnuðu nýju glæsibygginguna við Reykjavíkurhöfn. Reiturinn kallast Austurhöfn og komust íbúðirnar í fréttir í síðustu viku þegar formleg sala á þeim hófst. Halldór segir að þetta séu ekki dýrustu íbúðir í Reykjavík en þegar gæði og verð sé borið saman sé fólk að fá mikið fyrir peningana sína.

https://www.mbl.is/vidskipti/frettir/2020/09/11/sala_hafin_a_dyrustu_ibudum_landsins/

Íbúðirnar við Austurhöfn eru sjarmerandi og er hugsað út í hvert smáatriði við hönnun þeirra. Til dæmis er hægt að taka lyftuna beint inn í hverja íbúð og með hverju herbergi fylgir salerni sem mörgum þykir kostur. 

Við Halldór hittumst í sýningaríbúðinni sem er um 170 fm að stærð. Mikið er lagt í dagrými og hægt er að loka herbergisgang af. Í sýningaríbúðinni eru innréttingar úr hnotu og segir Halldór að eldhúsið líti frekar út eins og bókastofa en eldhús. Hann segir að í íbúðunum við Austurhöfn sé ekki verið að hámarka herbergjafjölda heldur snúist þessar íbúðir um gæðaupplifun. 

„Það var markmið að fá yfirbragð þar sem fólk finnur að það sé komið í verulega gott hreiður,“ segir Halldór. 

Hægt er að skoða íbúðirnar nánar á vef Austurhafnar. 

Þættir