Mótmælt víða á Ítalíu

ERLENT  | 27. október | 12:15 
Nýjum sóttvarnareglum var mótmælt víða á Ítalíu gær og kom til átaka í tveimur borgum á Norður-Ítalíu, Mílanó og Tórínó, en þar var bensínsprengjum varpað í átt að lögreglu.

Nýjum sóttvarnareglum var mótmælt víða á Ítalíu gær og kom til átaka í tveimur borgum á Norður-Ítalíu, Mílanó og Tórínó, en þar var bensínsprengjum varpað í átt að lögreglu. Lögreglan beitti táragasi á mótmælendur í Mílanó. Í Napólí tóku þúsundir þátt í mótmælunum. 

Mótmælin hófust fljótlega eftir að ákvörðun ríkisstjórnarinnar um að loka veitingastöðum, börum, líkamsræktarstöðvum og kvikmyndahúsum tók gildi klukkan 18 að staðartíma. Reglurnar gilda til 24. nóvember.

 

Mörg héruð hafa sett á útgöngubann að næturlagi, þar á meðal Langbarðaland (Mílanó er í héraðinu) og Piedmont (þar sem Tórínó er). Lögregla segir að öfgasinnar hafi staðið á bak við mótmælin og voru alls 28 handteknir. 

Jafnframt var mótmælt á fleiri stöðum, svo sem Róm, Genóva, Palermo og Trieste, og notuðu mótmælendur potta og pönnur til að vekja athygli á málstað sínum. 

Þættir