Kristjana M. Sigurðardóttir arkitekt festi kaup á íbúð í Vesturbænum ásamt manni sínum og hefur komið sér vel fyrir. Á heimilinu er hugsað út í hvert smáatriði og lagði Kristjana mikinn metnað í það að koma fyrir bæði borðkrók og eyju í eldhúsinu. Íbúðin var komin til ára sinna þegar þau festu kaup á henni og til þess að gera hana enn þá meira sjarmerandi rifu þau niður veggi og breyttu skipulagi.