Heimili fólks hafa orðið gosinu að bráð

ERLENT  | 20. september | 9:44 
Um 100 íbúðarhús á La Palma hafa orðið eldgosi á eyjunni að bráð. Hraun og aska spýtist í allar áttir, meðal annars í átt að nærliggjandi byggð, og hraun rennur inn í íbúðahverfi og yfir malbikaða vegi.

Um 100 íbúðarhús á La Palma hafa orðið eldgosi á eyjunni að bráð. Hraun og aska spýtist í allar áttir, meðal annars í átt að nærliggjandi byggð, og hraun rennur inn í íbúðahverfi og yfir malbikaða vegi.

Allt að 5 þúsund manns hafa þurft að yfirgefa heimili sín enda gripu stjórnvöld á La Palma til allsherjarrýmingar á því svæði sem næst er gosstöðvunum.

Ekki hafa enn borist fréttir af slysum á fólki.

https://www.mbl.is/frettir/erlent/2021/09/19/ohjakvaemilegt_ad_hraun_renni_i_ibuabyggd/

 

Óvissuástand

Mikil óvissa ríkir nú á svæðinu og eru stjórnvöld í óða önn við að kortleggja nákvæmlega hvaða hús það eru sem hafa orðið jarðeldunum að bráð.

Pedro Sanchez, forsætisráðherra Spánar, frestaði New York-ferð sinni til þess að heimsækja eyjuna, en hann átti að vera viðstaddur leiðtogafund Sameinuðu þjóðanna um helgina.

 

https://www.mbl.is/frettir/erlent/2021/09/20/forsaetisradherra_spanar_kominn_til_la_palma/

Til viðbótar við ógn er stafar af hraunflæði gossins má gera ráð fyrir að jarðeldarnir kveiki skógarelda í nærliggjandi gróðurlendi. Ekki er langt síðan skógareldar geisuðu á eynni og myndi það valda gríðarlegri eyðileggingu ef miklir skógareldar kviknuðu.

Uppfært kl. 11:06

Upphaflega kom fram að 20 hús hafi orðið eldgosinu að bráð en nýjustu tölur gera ráð fyrir að um 100 hús séu nú eyðilögð.

Þættir