Lokaðir inni í námu eftir stóran skjálfta

ERLENT  | 7. október | 6:29 
Að minnsta kosti 20 manns létust og um tvö hundruð særðust þegar jarðskjálfti af stærð 5,9 skók suðvesturhluta Pakistans klukkan þrjú í nótt að staðartíma. Björgunarsveitir vinna nú að því að bjarga starfsmönnum kolanámu á svæðinu sem eru sagðir hafa lokast inni neðanjarðar.

Að minnsta kosti 20 manns létust og um tvö hundruð særðust þegar jarðskjálfti af stærð 5,9 skók suðvesturhluta Pakistans klukkan þrjú í nótt að staðartíma. Björgunarsveitir vinna nú að því að bjarga starfsmönnum kolanámu á svæðinu sem eru sagðir hafa lokast inni neðanjarðar.

 

Margir hinna látnu létust þegar þök og veggir moldarhúsa þeirra féllu saman. Hundruð slíkra húsa skemmdust í skjálftanum.

 

Á meðal hinna látnu eru sex börn. 

Fólk varð vart við skjálftann í að minnsta kosti sex borgum og bæjum. Bærinn Harnai varð hvað verst úti en þar féllu skriður sem lokuðu nokkrum vegum og hafði það hamlandi áhrif á björgunaraðgerðir.  

Þættir