„Okkur líður eins og við höfum framið glæp“

ERLENT  | 27. nóvember | 16:07 
„Okkur líður eins og við höfum framið glæp,“ segja belgískir ferðalangar sem staddir eru í Suður-Afríku í samtali við AFP-fréttaveituna. Mörg ríki hafa sett á ferðatakmarkanir til sunnanverðrar Afríku vegna Ómíkron-afbrigðisins.

„Okkur líður eins og við höfum framið glæp,“ segja belgískir ferðalangar sem staddir eru í Suður-Afríku í samtali við AFP-fréttaveituna. Mörg ríki hafa sett á ferðatakmarkanir til sunnanverðrar Afríku vegna Ómíkron-afbrigðisins.

https://www.mbl.is/frettir/erlent/2021/11/26/esb_hvetur_til_ferdabanns/

Flug Valerie Leduc til Sviss frá Jóhannesarborg var fellt niður og því þarf hún ásamt vini að fljúga í gegnum Eþíópíu til þess að komast til síns heima. Nýji flugmiðinn heim kostaði Leduc þúsund evrur, eða tæplega 150 þúsund krónur.

 

Margir ferðalangar eru nú fastir á alþjóðaflugvöllum Suður-Afríku og reyna að ná sambandi við sendiráð síns heimalands eða bóka flug til Eþíópíu eða Austur-Kóngó. Þau ríki eru enn sem komið er ekki á rauðum listum Evrópuríkja.

https://www.mbl.is/frettir/erlent/2021/11/27/segja_sudur_afriku_refsad_fyrir_omikron/

„Við reyndum fyrst að breyta fluginu okkar en það var ekki hægt,“ segir Þjóðverjinn Laura Herde sem ætlaði í gönguferð með vinum þegar ferðabannið skall á. „Það var ekki laust í neitt flug svo við þurftum að bóka nýtt. Við bókuðum fyrsta flugið sem var laust.“

Nica Kruger frá Suður-Afríku var að reyna að komast til Dúbaí til þess að heimsækja kærasta sinn og flakkaði á milli flugfélaga á flugvellinum til þess að finna miða. „Þetta er algjör ringulreið,“ sagði hún. 

Þættir