Kristjana Marín Ásbjörnsdóttir, lífeindafræðingur og formaður Skjaldar, félags um skjaldkirtilssjúkdóma, segir vera til dæmi um að fólk með einkenni skjaldkirtilssjúkdóma fari í blóðprufu og fái upplýsingar frá lækni um að allt sé eðlilegt. Þegar fólk fær svo niðurstöðurnar í hendurnar kemur allt annað í ljós. Þekkist það vel að einhverjar mjög mikilvægar mælingar vanti eins og til dæmis skjaldkirtilsmælinguna.