Aldrei kynnst öðrum eins Eurovision áhuga

FÓLKIÐ  | 13. maí | 14:17 
Breski sendiherrann í Reykjavík, dr. Bryony Mathew, sendi í dag sérstaka kveðju til hins breska Sam Ryder og íslensku Systranna á samfélagsmiðlum þar sem hún óskar keppendunum góðs gengis í aðalkeppni Eurovision á morgun.

Breski sendiherrann í Reykjavík, dr. Bryony Mathew, sendi í dag sérstaka kveðju til hins breska Sam Ryder og íslensku Systranna á samfélagsmiðlum þar sem hún óskar keppendunum góðs gengis í aðalkeppni Eurovision á morgun.

Bryony tók við sem sendiherra í ágúst í fyrra og er því í fyrsta sinn að upplifa Eurovision á Íslandi. „Ég hélt ég væri Eurovisionaðdáandi áður en ég flutti til Íslands en ég hef aldrei kynnst öðrum eins Eurovision áhuga og finnst algjörlega frábært hvað Íslendingar sýna keppendum mikinn stuðning,“ sagði hún í samtali við mbl.is.

Sendiherrann segist hafa fylgst með báðum undankeppnum og hlakkar til að horfa á aðalkeppnina á morgun með fjölskyldu og vinum.

Þættir