Loftsteinn yfir Árborg

INNLENT  | 5. október | 12:18 
Lögreglan á Selfossi náði myndbandsupptöku af undarlegum ljósagangi í háloftunum skömmu eftir miðnættið síðast liðna nótt. Lögregluþjónarnir voru í hefðbundnu vegaeftirliti á Eyrabakkavegi á leið í austurátt er þeir urðu varir við mikinn blossa sem stefndi að þeirra mati að Ölfusá.
Lögreglan á Selfossi náði myndbandsupptöku af undarlegum ljósagangi í háloftunum skömmu eftir miðnættið síðast liðna nótt. Lögregluþjónarnir voru í hefðbundnu vegaeftirliti á Eyrabakkavegi á leið í austurátt er þeir urðu varir við mikinn blossa sem stefndi að þeirra mati að Ölfusá. Uppi eru getgátur um að þarna hafi loftsteinn komið inn í gufuhvolfið.

Fjölmargir sáu blossann og létu lögregluna vita og sást blossinn víða á Suðurlandi sem og í grennd við Akranes. Talið er útilokað að um neyðarblys hafi verið að ræða.

Varðstjóri lögreglunnar á Selfossi segir engin eftirmál hafi orðið af þessu svo vitað sé og að ekki hafi sést neinir óvenjulegir gestir sem gætu hugsanlega hafa dottið af himnum ofan.


Þættir