Í fyrsta þætti af Sonum Íslands heimsækjum við handboltamarkvörðinn og landsliðsmanninn Viktor Gísla Hallgrímsson, leikmann Nantes í Frakklandi.
Viktor Gísli, sem er 22 ára gamall, gekk til liðs við Nantes síðasta sumar frá GOG í dönsku úrvalsdeildinni.
Hann er uppalinn í Fram en hélt utan í atvinnumennsku árið 2019 þegar hann gekk til liðs við GOG í Danmörku.
Viktor Gísli lék sinn fyrsta A-landsleik árið 2018 gegn Noregi í Bergen en alls á hann að baki 35 landsleiki fyrir Ísland.
Heimsmeistaramótið í Svíþjóð og Póllandi, sem hefst í janúar, verður fjórða stórmót Viktors Gísla.
