Gröf Heródesar fundin

Borgarmúrar Jerúsalem sem Heródes lét reisa.
Borgarmúrar Jerúsalem sem Heródes lét reisa. mbl.is/Ómar Óskarsson
Ísraelskur fornleifafræðingur hefur fundið gröf Heródesar konungs á hæð sunnan við Jerúsalem borgar sem Heródes lét meðal annars byggja upp. Hebreski háskólinn í Jerúsalem tilkynnti þetta fyrir skömmu. Gröfin eða grafhvelfingin er á stað sem nefnist Herodium, þar sem Heródes byggði sér hallarhverfi á hæðinni.

Háskólinn hafði hugsað sér að halda fundinum leyndum fram að fyrirhugaðri kynningu á morgun en blaðamenn komust á snoðir um málið og birtust fréttir af því að vefsíðu dagblaðsins Haaretz fyrr í dag.

Heródes komst til valda í hinu helga landi er Rómverjar gerðu það að skattríki sínu um 74 fyrir Krist. Hann lét byggja virkisvegg í kringum Jerúsalem, hluti af þeim vegg stendur enn. Heródes lét einnig til sín taka í uppbyggingu í Jeríkó og víðar.

Haaretz sagði að uppgötvunin á Herodium hefði verið gerð af fornleifafræðingnum Ehud Netzer sem er prófessor við háskólann og hefur unnið að uppgreftri á þessum stað frá 1972.

mbl.is
Legupressur 50 Tonna
Everet UK Legupressur 50 T Loft/glussadrrifnar og einnig hægt að handtjakka. Gæ...
FJÖLNOTAKERRUR _ STURTUKERRUR
Fjölnotakerrur, auðvelt er að koma bílum og vélum uppá, 4 til 6 metra langar. St...
Jema A/S danskar skæralyftur
Við seljum hinar vinsælu skæralyftur frá JEMA . Lyfta 1,2 m og 3 T ,glussadrifn...
4949 skart hálfesti og armband
Útskriftargjöf, Er með nokkrar hálsfestar og armbönd úr 4949 línunni til sölu h...