Morgunmaturinn mikilvægur

Þessir ungu drengir gera sér grein fyrir mikilvægi þess að ...
Þessir ungu drengir gera sér grein fyrir mikilvægi þess að borða góðan morgunmat. mbl.is/Golli

Bandarískir vísindamenn hafa komist að því að unglingar sem borða morgunmat að staðaldri séu léttari, borða hollari mat og stunda heilsurækt oftar en jafnaldrar þeirra sem sleppa mikilvægustu máltíð dagsins.

Alls tóku 2.216 unglingar, sem búa í Minneapolis og St. Paul í Minnesota, þátt í rannsókninni. Fylgst var með matarvenjum þeirra, þyngd og öðrum þáttum sem tengjast lífsvenjum þeirra í fimm ár. Þeir voru 14 ára þegar rannsóknin hófst kemur fram í rannsókninni sem birtist í vísindaritinu Pediatrics.

Þar segir að því oftar sem ungmennin borðuðu morgunmat, því lægri var líkamsþyngdarstuðull (BMI) þeirra. Þeir sem ávallt slepptu því að borða morgunmat voru að meðaltali 2,3 kílóum þyngri en þeir sem snæddu morgunverð að staðaldri.

„Niðurstaða okkar leiddi í ljós að krakkar sem borða morgunmat reglulega, og sér í lagi á hverjum degi, lifa heilbrigðara lífi heilt yfir litið,“ sagði Mark Pereira, sem fór fyrir rannsókninni, í samtali við Reuters.

„Þau hreyfa sig meira og borða hollari mat. Þau borða minna af fitu og kólesteróli og borða meira af trefjum.“

U.þ.b. 25% bandarískra barna sleppa því að borða morgunmat. Vísindamennirnir benda á að þetta gerist á sama tíma og offita sé að aukast meðal ungs fólks.

mbl.is
Útsala
Bókaútsala Mikið magn bóka á 500 kr. stk. Aðrar bækur með 25% afslætti Hjá Þorva...
Húsgagnaviðgerðir og bólstrun
Ég tek að mér viðgerðir og bólstrun á gömlum og nýjum húsgögnum. Starfsemin fer ...
Gámasliskjur
Eigum nokkrar nýjar gámasliskjur fyrir 6000 kg burðargetu. Eru á lager og til a...
 
Félagsstarf
Staður og stund
Aflagrandi 40 Opin vinnustofa kl 9 og ka...
Félagsstarf
Staður og stund
Aflagrandi 40 Opin vinnustofa frá kl. 9,...
Félagsstarf aldraðra
Staður og stund
Aflagrandi 40 Opin vinnustofa kl. 9, jóg...
Samkoma
Félagsstarf
Samkoma kl. 20 í Kristniboðs- salnum. R...