Breskir vísindamenn hafa þróað og prófað nýtt lyf við frjókornaofnæmi, Pollinex, sem hefur gefið góða raun auk þess að vera einfalt í notkun. Eru vísindamennirnir bjartsýnir á að það komi á markað innan fárra ára.
Frjókornaofnæmi er algengt hérlendis og hrjáir einn af hverjum fimm unglingum, að sögn Björns Árdal, barna- og ofnæmislæknis. Engar tölur eru til um algengið meðal fullorðinna.