Varar við sjálfsdýrkun

Nemendur í skólarútu í Bretlandi.
Nemendur í skólarútu í Bretlandi. Reuters

Við erum að ala upp kynslóð fólks sem er stöðugt upptekið af sjálfu sér, kynslóð sjálfsdýrkenda, með því að leggja ofuráherslu á að efla sjalfsmat nemenda í skólum, segir skoskur sérfræðingur, dr. Carol Craig.

 Craig segir að nú sé svo komið að nemendum sé oft hrósað of mikið og því hneigist þeir til sjálfselsku. Væntingarnar séu orðnar hóflausar. Kennarar fái í æ meiri mæli kvartanir frá foreldrum vegna þess að barnið þeirra fékk t.d. ekki nógu háa einkunn í réttritunarprófi eða of lélegt hlutverk í skólaleikriti.  Skólarnir verði að endurheimta það hlutverk sitt að mennta börnina en ekki sinna sálfræðiþjónustu. 

 Sagt er frá Craig á fréttavef BBC. Hún stýrir miðstöð til eflingar sjálfstrausti og vellíðan í Skotlandi og sagði á ráðstefnu í Birmingham að ,,miklar tískuhugmyndir" um nauðsyn þess að efla sjálfsmat, sem ættaðar væru frá Bandaríkjunum, hefðu gengið út í öfgar.

Börn sem alin væru upp við þetta hugarfar vendust á að líta svo á að þau ættu alltaf skilið það besta og þau yrðu síðar á ævinni ,,ömurlegir makar í hjónabandi, lélegir foreldrar og vondir starfsmenn".  

mbl.is

Bloggað um fréttina

Fleira áhugavert
Fleira áhugavert