Hrunið rakið til algríms

Hrunið á Wall Street þann 6. maí sl., þegar Dow Jones vísitalan lækkaði um rúm 700 stig á nokkrum mínútum er rakið til  viðskipta upp á 4,1 milljarð dala. Um villu var að ræða í tölvukerfi viðkomandi miðlara sem setti inn sölutilboð á 75 þúsund hlutabréfum á tuttugu mínútum. Um var að ræða reikniskekkju í algrími tölvukerfis fyrirtækisins.

Þetta kemur fram í sameiginlegri tilkynningu frá eftirlitsaðilum með verðbréfaviðskiptum í Bandaríkjunum, Securities and Exchange Commission (SEC) og Commodity Futures Trading Commission (CFTC).

Þar sem viðskipti voru grunn þennan dag og mikil taugaveiklun á markaði líkt og undanfarin tvö ár þá fór allt af stað þegar sölutilboðunum rigndi inn í miðlarakerfið.

Á nokkrum mínútum lækkaði Dow Jones vísitalan um tæp 10% en lækkunin gekk til baka nánast strax þegar ljóst var að hrun var ekki í aðsigi heldur einungis vandi í tölvukerfi. 

Skýring Vísindavefjarins á algrími

• 4 blogg um fréttina

Bloggað um fréttina

• Ólafur Þórðarson: Algrími, orðskrípi?
• Guðmundur Ásgeirsson: Tölvuvædd verðbréfamiðlun
• Jóhannes H. Laxdal: Ég hélt nú að Íslenska orðið fyrir Algorythma væri Reiknirit..
• Sæmundur Bjarnason: Helvítis hrunið hans Algríms