Kínverjar rækta ofurhrísgrjón

Kínverjar hafa sett nýtt heimsmet í ræktun á hrísgrjónum. Með kynbótum hefur þeim tekist að rækta ofurhrísgrjón sem gáfu af sér 13,9 tonn á hektara, en meðaluppskera á hrísgrjónum er 6,3 tonn á hektara.

Það er Yuan Longping sem á heiðurinn af þessi nýja afbrigði, en hann hefur stundað kynbætur á hrísgrjónum í nærri 40 ár. Hann er þekktur í Kína sem faðir kynbættra hrísgrjóna. Hann segir að hægt sé að ná enn betri árangri með kynbótum á hrísgrjónum. Það eigi að vera hægt að fá 15 tonn á hektara með frekari rannsóknum á þessu sviði.

Hrísgrjón er grunnfæða í Kína, en um 60% af allri fæðu sem Kínverjar neyta eru hrísgrjón. Um helmingur alls þess sem mannkynið borðar er hrísgrjón. Kínverjar eru mestu hrísgrjónaræktendur í heimi, en hrísgrjón eru ræktuð á 29 milljónum hektara í Kína.

Þetta nýja afbrigði af hrísgrjónum er ræktað með erfðabreytingum. Ræktun á erfðabreyttum matvælum er umdeild, en sumir óttast að neysla þeirra geti haft langtímaáhrif á manninn. Vísindamönnum hefur þó ekki tekist að sýna fram á slíkt þrátt fyrir miklar rannsóknir.

Kínverjar benda á að með því að auka uppskeru sé hægt að spara bæði vatn og áburð. Til að rækt sambærilegt magn af hrísgrjónum þyrfti að nota meiri áburð og vatn.

• Blogga um frétt