Fyrsta borsýnið sem tekið verður á Mars verður úr jarðlagi sem í eru æðar með gifssteindum. Vísindamennirnir sem stjórna leiðangri geimjeppans Forvitni á Mars, segja að nú sé jeppinn „kominn í sælgætisbúðina“ - lægsta punkt Gale-gígsins. Þar fyrirfinnast margvísleg jarðefni sem gætu aðeins hafa orðið til með aðkomu vatns.

Vísindamaðurinn John Grotzinger, segir staðinn lukkupott - þar fyrirfinnist jarðlög með brotum og æðum margvíslegra steinda og holufyllinga. Það er í raun tilviljun að lukkupotturinn fannst. Ákveðið var að Forvitni færi í smá útúrdúr frá fyrirhuguðu ferðalagi með þessum jákvæðu afleiðingum.

Gert er ráð fyrir að Forvitni byrji að bora síðar í mánuðinum. Jeppinn mun grafa fimm holur sem verða hver um sig 5 cm að dýpt inn í bergið. Jarðefnin sem safnað verður verða svo greind í rannsóknarstöð jeppans.

Borunin er flóknasta verkefni Forvitni.

Tengdar fréttir

Forvitni á Mars

Fann fleiri vísbendingar um líf á Mars

• Sýndarveruleikaheimur Meta 25 árum of snemma
• Svona er inni í gígnum á Mars
• Curiosity stopp með bilaðan bor
• Vatn á Mars „stefnumál vinstrisinna“

» Fleiri tengdar fréttir

• 1 blogg um fréttina

Bloggað um fréttina

• Stjörnufræðivefurinn (www.stjornufraedi.is): Curiosity í vísindalegu nammilandi - Finnur holufyllingar og sethnyðlinga