Höfuðkúpan sem kollvarpar kenningunum

Vísindamenn í Georgíu sýndu í gær 1,8 milljóna ára höfuðkúpu sem fannst í landinu. Þeir segja að fundurinn geti kollvarpað kenningum um þróun mannsins.

Höfuðkúpan fannst í bænum Dmanisi, um 100 kílómetra frá höfuðborginni Tíblisi. Hún er mjög heilleg og sú best varðveitta sem fundist hefur frá þessu tímabili.

Brot úr fjórum öðrum höfuðkúpum fundust á sama svæði. Þykir fundurinn sanna að maðurinn hafi á þessum tíma verið af einni og sömu undirtegundinni, en ekki af nokkrum ólíkum tegundum.

Höfuðkúpan er smá eða um þriðjungur af stærð höfuðkúpu fullvaxins nútímamanns. Hún er nú geymd í náttúruminjasafni Georgíu.

Niðurstöður rannsókna vísindamannanna voru birtar í vísindatímaritinu Science á fimmtudag. Rannsóknin tók um átta ár og var unnin í samvinnu vísindamanna frá Georgíu og öðrum löndum. Höfuðkúpan fannst árið 2005.

mbl.is
Til sölu Nissan Leaf.
2016 árgerð, ekinn 51 þús. 30 Kw. Blár, hraðhleðsla, vetrar/sumardekk, leðurklæd...
3 manna Infrarauður Saunaklefi www.egat.is/infraredsauna.html
Verð: 289.000 Tilboð til 1 des 259.000 - hiti 30-75 C (því 60 - 75 er það sem...
Hreinsa þakrennur o.fl
Hreinsa þakrennur, fyrir veturinn og tek að mér ýmis smærri verkefni. Uppl. í sí...