Verða kynþroska fyrr en áður

Stúlkur af öllum kynþáttum verða fyrr kynþroska en áður. Samkvæmt nýrri bandarískri rannsókn eru getur leiddar að því að offita sé þar áhrifavaldur, einkum hjá hvítum stúlkum.

Bent hefur verið á samhengi milli þess að verða kynþroska snemma. Svo sem aukna hættu á brjóstakrabbameini og í æxlunarfærum. Eins séu meiri líkur á að vera með of háan blóðþrýsting og þunglyndi ef viðkomandi hefur orðið kynþroska ungur.

Að meðaltali byrja hvítar stúlkur að fá brjóst 9,7 ára að aldri og er það fjórum mánuðum fyrr en í sambærilegri rannsókn árið 1997, samkvæmt rannsókninni sem er birt í læknaritinu Pediatrics.

Hár líkamsfitustuðull fylgir yfirleitt ef stúlkur byrja ungar að fá brjóst en rannsóknin beindist að 1.200 ungum stúlkum í New York, San Francisco svæðinu og Cincinnati.

• Blogga um frétt