Sólarljós gott fyrir blóðþrýstinginn

AFP

Sólarljós getur hjálpað til við að draga úr háum blóðþrýstingi sem eykur hættuna á hjartaáföllum og heilablóðföllum. Þetta er niðurstaða nýrrar rannsóknar.

Breskir vísindamenn komust að því að sólarljós getur breytt magni nituroxíðs í húðinni, víkkað æðar og þar með dregið úr háþrýstingi.

„Lítið magn af NO (nituroxíði) fer frá húðinni og inn í blóðrásina og lækkar þrýstinginn,“ segir Martin Feelisch, prófessor við háskólann í Southampton. „Þegar blóðþrýstingur lækkar, lækkar einnig hættan á hjartaáfalli og heilablóðfalli.“

Vísindamennirnir fengu 24 sjálfboðaliða til liðs við sig en sjálfboðaliðarnir voru látnir fara í ljósalampa, tvisvar sinnum í tuttugu mínútur. Í fyrra skiptið urðu þeir bæði fyrir útfjólubláum geislum og hita frá lömpunum en í síðara skiptið aðeins fyrir hitanum.

„Þessar niðurstöður eru mikilvægar í umræðunni um hollustu sólarljóss og hlutverki D vítamíns í því sambandi,“ segir Feelisch.

„Það er nauðsynlegt að forðast of mikið sólarljós til að koma í veg fyrir húðkrabbamein, en að forðast það með öllu, vegna ótta eða ákveðins lífsstíls, gæti aukið hættuna á hjarta- og æðasjúkdómum.“

 Niðurstöður rannsóknarinnar eru birtar í Journal of Investigative Dermatology.

mbl.is

Bloggað um fréttina

ALLT MILLI HIMINS OG JARÐAR !!!!!!!!!!
NOTAÐ&NÝTT er ný verslun á Skemmuvegi 6 á bak við BYKO. Mikið úrval af fallegum ...
Honda Cr-v 2005
Bensín, topplúga, ekinn 226 þkm, bsk, 4x4 Einn eigandi S:845-7897 ...
STIGAR OG HANDRIÐ ALLAR MÖGULEGAR GERÐIR
Sjá meðal annars: http://www.youtube.com/watch?v=73dIQgOl2JQ&feature=channel L...
 
Uppboð
Nauðungarsala
Uppboð Einnig birt á www.naudungarsolu...
Ert þú skapandi
Sérfræðistörf
Ert þú SKAPANDI? Árvakur leitar eftir...
Félagsstarf
Staður og stund
Aflagrandi 40 Opin vinnustofa frá kl. 9,...
Félagsstarf aldraðra
Staður og stund
Aflagrandi 40 Opin vinnustofa kl. 9, jóg...