Dularfullur steinn birtist á Mars

Á myndinni til vinstri er enginn steinn en á þeirri ...
Á myndinni til vinstri er enginn steinn en á þeirri til hægri, sem tekin var tveimur vikum síðar, sést ljós steinn. NASA

Vísindamenn Nasa standa á gati vegna mynda af steini sem geimjeppinn Opportunity tók á plánetunni rauðu. Tveimur vikum áður var steinninn ekki á svæðinu.

Opportunity hefur verið á Mars í um áratug. Hann hefur rannsakað svæði sem kallast Meridiani Planum og er hlutverk hans að skoða gíg og hvort að ummerki eftir vatn megi finna við hann. Nýlega sendi hann myndir af svæðinu til jarðar. 

Seinni myndin er tekin 8. janúar er Opportunity var í rannsóknarleiðangri. Á þeirri mynd sést ljós steinn á stærð við kleinuhring, segir í frétt Telegraph um málið. 

En tveimur vikum fyrr hafði jeppinn tekið aðra mynd á sama svæði en þá sást enginn steinn.

Kenningin er sú að geimjeppinn eigi sjálfur sök á þessu. Hann hafi fært steininn til er hann ók yfir svæðið. Þá er önnur kenning sú að steininn sé hluti af lofsteini sem lenti á Mars skammt frá svæðinu.

Frétt Telegraph

mbl.is

Bloggað um fréttina

* Öll stærstu á einum stað
Þú getur spilað með í yfir 50 stærstu Lottóum heimsins. Í yfir 12 ár hafa lottó...
Til sölu 16" álfelgur og snjódekk
Felgurnar eru original Mitsubishi 16", gatadeiling 108x5. Dekkin eru Firestone ...
Bækur um ættfræði, byggðasögu og ýmsan fróðleik til sölu
Til sölu nokkur grundavallarrit ættfræðinnar ásamt ritum um atvinnu- og byggðasö...
Kolaportið sjávarmegin-plötuportið.
Mikið úrval af ýmsum gömlum plötum Low, Pinups, Diamond Dogs, Aladin Sane, o.f...