Íslendingar borða of mikið salt

Unnar kjötvörur geta verið saltríkar og ráðlegt að skoða merkingar ...
Unnar kjötvörur geta verið saltríkar og ráðlegt að skoða merkingar á umbúðum vel. mbl.is/Þorkell Þorkelsson

Þrátt fyrir að saltneysla Íslendinga hafi minnkað um 5% frá árinu 2002 borða Íslendingar enn of mikið salt. Landlæknisembættið vekur athygli á þessu, í tilefni af alþjóðlegri viku sem tileinkuð er minni saltneyslu.

Meðalneysla íslenskra karla á salti er 9,5 g á dag og konur neyta 6,5 g af salti á dag að meðaltali, samkvæmt niðurstöðum landskönnunar á mataræði fullorðinna, sem fram fór 2010-2011.

Þörfin fyrir salt er hinsvegar ekki meiri en 1,5 g á dag, og samkvæmt nýjum norrænum ráðleggingum er ekki mælt með því að borða meira en 6 g á dag.

Íslendingar af báðum kynjum borða því að jafnaði of mikið salt, en með því að draga úr saltneyslu má m.a. draga úr hækkun blóðþrýstings, sem er einn af áhættuþáttum hjarta- og æðasjúkdóma. Minni saltneysla geti dregið úr líkum á ákveðnum tegundum krabbameins. 

Erfitt getur verið gott fyrir fólk að átta sig á því hversu mikið salt það borðar frá degi til dags, því stærstur hluti salts í fæðunni, eða um 75%, kemur úr unnum matvælum eins og kjötvörum, brauði, osti, pakkasúpum og sósum, tilbúnum réttum og skyndibitum.

Landlæknisembættið bendir á að til að draga úr saltneyslu sé ráðlagt að sneiða hjá saltríkum vörum, takmarka salt í matreiðslu og við borðhald en nota annað krydd eða kryddjurtir í staðinn.

Sjá nánar á vef Landlæknis.

mbl.is

Bloggað um fréttina

STIGAR OG HANDRIÐ ALLAR MÖGULEGAR GERÐIR
Mælum, teiknum, smíðum og setjum upp, myndir á Facebook: Magnus Elias>Mex byggin...
Kaupi notaðar hljómplötur. Sími 696 1909.
Kaupi notaðar hljómplötur. Sími 696 1909....
Toyota Yaris sjálfskiptur 2005, skoðaður
Til sölu (for sale) ný skoðaður Toyota Yaris sjálfskiptur, árg. 2005, ekinn 150....
ÚTI HRINGSTIGAR
Vantar stiga af svölunum ofan í garðinn ? Stærð 120, 140 og 160 cm og eftir mál...