HIV-smitum fjölgar meðal samkynhneigðra

AFP

HIV-smitum hefur fjölgað meðal samkynhneigðra karla á mörgum stöðum í heiminum að því er fram kemur í viðvörun Alþjóðaheilbrigðisstofnunarinnar, WHO. Hvetur stofnunin alla karlmenn sem stunda kynmök með öðrum körlum til þess að taka fyrirbyggjandi lyf sem koma í veg fyrir smit.

Að sögn Gottfrieds Hirnschalls, sem stýrir því sviði WHO sem fer með HIV, hefur orðið algjör sprenging í fjölgun HIV-smita meðal samkynhneigðra karla. Hann segir að á meðan heimurinn horfði á fólk deyja úr Aids hafi fólk haft varann á sér en nú sé að alast upp kynslóð sem þekkir ekki annað en að hægt sé að lifa með HIV og sé þar af leiðandi minna á varðbergi við hættunni. 

Hirnschall bendir á að í Bangkok séu 5,7% samkynhneigðra karla með HIV en innan við 1% íbúa borgarinnar sé smitað af HIV.

Ráðleggingar WHO nú eru í takt við þær sem bandarísk yfirvöld gáfu út í maí. 

mbl.is
Fleira áhugavert
Fleira áhugavert