Vísindamenn við MIT-háskólann í Bandaríkjunum hafa nú þróað ferfætt vélmenni sem líkir eftir hlaupahreyfingum blettatígursins og getur náð hámarkshraða sem er meiri en hraði Usains Bolts, heimsmetshafans í 100 metra spretthlaupi.
Þróun vélmennisins hefur tekið langan tíma og segja vísindamenn það gríðarlega erfitt að stilla vélmennið á þann hátt að hægt sé að stjórna hreyfingum þess á háum hraða. Vélmennið hleypur á sama hátt og blettatígur í náttúrunni. Notuðust vísindamennirnir við flókna algóryþma til þess að líkja eftir hreyfingum dýrsins.
Á hlaupabraut tókst að láta vélmennið hlaupa örlítið hraðar en spretthlauparinn Bolt, en þá var það tengt við rafmagnssnúru. Án rafmagnssnúrunnar er hámarkshraði þess töluvert minni, eða um 16 km á klukkustund.
Sjá frétt Fox News