Vísindamenn hafa staðfest að lendingarfarið Philae hafi fundið lífrænar sameindir á yfirborði halastjörnunnar sem farið lenti á 12. nóvember sl. eftir 10 ára ferðalag.

Kolefni, sem er lykilfrumefni í lífi á jörðinni, hefur fundist, en vonir standa til að rannsóknir Philae muni leiða í ljós við hvaða aðstæður sólkerfi okkar myndaðist fyrir 4,6 milljörðum ára.

Aðrar rannsóknir benda til þess að yfirborð halastjörnunnar sé að mestu úr ís og með þunnu ryklagi, að því er segir á vef BBC. 

Þar kemur ennfremur fram, að vísindamenn séu enn að túlka niðurstöðurnar. Hvorki hefur verið upplýst hvaða sameindir hafa fundist né hversu flóknar þær séu. 

Philae sefur værum blundi á halastjörnunni 67P/Churyumov-Gerasimenko en móðurfarið Rosetta heldur hins vegar áfram rannsóknum sínum.

Tengdar fréttir

Lending á halastjörnu

Kveðja Rosettu með söknuði

• Rosetta rakst á halastjörnuna
• Halastjörnuheimsókn lýkur með árekstri
• Philae komin í leitirnar
• Rosetta á lokasprettinum

» Fleiri tengdar fréttir

• Blogga um frétt