11% spendýra dáið út á 200 árum

Þessi mynd er úr safni og sýnir ósköp venjulega íslenska ...
Þessi mynd er úr safni og sýnir ósköp venjulega íslenska hagamús. Ástralskir frændur og frænkur músarinnar eru hins vegar meðal þeirra tegunda sem hafa dáið út og eru í hættu þar í landi. mbl.is/Sigurður Ægisson

Ein af hverjum tíu tegundum landspendýra í Ástralíu hefur dáið út á síðustu 200 árum. Náttúruverndarsinnar hafa kallað þróunina „útrýmingarhörmungar“, en engin önnur þjóð hefur upplifað jafn mikla fækkun landspendýra, samkvæmt vísindamönnum.

Fækkunina má aðallega rekja til ránlífis villikatta og rauðrefsins, sem voru fluttir til álfunnar frá Evrópu. Þá hafa umfangsmiklir eldar af mannavöldum einnig haft áhrif.

Þar sem Ástralía er velmegandi þjóð og íbúafjöldinn lítill, ætti náttúrulíf að vera tiltölulega öruggt fyrir ógnum á borð við heimkynnamissi. Ný rannsókn, sem birt var í tímaritinu Proceedings of the National Academy of Sciences, bendir til þess að umfang vandans sé stærra en áður var talið.

Frá 1788 hafa 11% af 273 innfæddra landspendýra í Ástralíu dáið út, 21% eru talin í hættu og 15% á barmi þess að vera í hættu. Sjávarspendýrum við álfuna virðist hins vegar vegna betur.

Vísindamenn segja ástæðu þess að umfang vandans hafi verið vanmetið sé m.a. sú að mörg dýranna hafi verið smá, feimin, náttdýr, og lítt þekkt.

Ítarlegri frétt er að finna á vef BBC.

mbl.is
Tölvuþjónusta
Alhliða tölvuviðgerð, vírushreinsun, vírusvarnir, gagnabjörgun og verðtilboð. F...
LAND ROVER DISCOVERY 3 S, sjálfsk., disel, 7 manna
Til sölu LAND ROVER DISCOVERY 3 S, sjálfskiptur, dísel, 7 manna ekinn 197.000 km...
Tveggja herbergja íbúð í Þingholtunum
Tveggja herbergja íbúð til leigu með húsgögnum. Verð 150 þúsund. Íbúðin leigist ...
Kvæði Bjarna Thorarensen 1847
Til sölu afar fágæt ljóðabók eftir Bjarna Thorarensen amtmann, Kvæði, prentuð í ...