Fyrsta flugið umhverfis jörðina á flugvél sem gengur fyrir sólarorku hófst í morgun. Íslendingar eru meðal þeirra sem koma að fluginu og undirbúningi þess.
Verkefnið hefur verið í undirbúningi síðustu tíu ár, og hefur Jón Björgvinsson, fréttaritari og ljósmyndari og sonur hans, Daníel Jónsson, rafmagnsverkfræðingur, tekið þátt í undirbúningnum með einum eða öðrum hætti síðustu árin. Lagnt var af stað frá Abu Dhabi klukkan 7:12 að staðartíma, klukkan 3:12 í nótt að íslenskum tíma. Frétt um flugið er efsta frétt á vef BBC og í fréttum allra helstu fjölmiðla heims.
Flugvélin, sem nefnist Solar Impulse-2, er nú á leið til Múskat í Óman en áætlað er að ferðalagið taki um fimm mánuði.