Fimmföldun á tveimur árum

Gagnanotkun á farsímanetum heldur áfram að aukast gífurlega milli ára, en á fyrri helmingi ársins fóru 4,5 petabæti (4.500 terabæti) um farsímakerfi landsins. Þetta er aukning um 77,4% frá sama tíma í fyrra og ef horft er til fyrri hluta ársins 2013 hefur gagnanotkun aukist fimmfalt.

Farsímafyrirtækið Nova sker sig úr hvað varðar hlutdeild á þessu sviði, en 65,5% af allri gagnanotkun á farsímanetum hérlendis fór í gegnum kerfi Nova. Þar á eftir kom Síminn með 18,3% og Vodafone með 13,4%.

Hlutdeild Nova á þessu sviði hefur aukist ár frá ári, en á fyrri hluta ársins 2014 var Nova með 60,2% og árið 2013 með 46,8%.

Gagnaflutningur á farsímanetinu hefur aukist gífurlega síðustu ár. Mynd/Tölfræðiskýrsla Póst og fjarskiptastofnunar

Nova er áfram stærst á sviði gagnaflutnings um farsímanet. Mynd/Tölfræðiskýrsla Póst og fjarskiptastofnunar

• Blogga um frétt