Augasteinn skimar eftir röntgengeislum

Hitomi-sjónaukinn þeytist á loft frá Tanegashima-geimmiðstöðvarinnar í suðvesturhluta Japans í ...
Hitomi-sjónaukinn þeytist á loft frá Tanegashima-geimmiðstöðvarinnar í suðvesturhluta Japans í morgun. AFP

Japanska geimvísindastofnunin skaut nýjum og öflugum röntgengeimsjónauka á loft í morgun sem ber nafnið Hitomi og útleggst á íslensku sem „Augasteinninn“. Sjónaukinn á meðal annars að rannsaka svarthol, vetrarbrautaþyrpingar og önnur fyrirbæri sem gefa frá sé röntgengeisla.

Sjónaukinn, sem upphaflega hét Astro-H, er afurð samstarfs japönsku geimvísindastofnunarinnar JAXA og Goddard-geimrannsóknastöðvar NASA. Hann er búinn umtalsvert öflugri mælitækjum en fyrri röntgengeimsjónaukar og búist er við því að athuganir hans geti leitt til byltingar í skilningi á ýmsum orkuríkum fyrirbærum í alheiminum.

Þannig getur Hitomi komið auga á röntgenuppsprettur sem eru tíu sinnum daufari en forveri hans, Suzaku, sem var í notkun frá 2005 til 2015 var fær um. Dæmi um slíkar uppsprettur eru nifteindastjörnur og vetrarbrautaþyrpingar en röntgengeislun stafar meðal annars frá sprengistjörnum og sterkum segul- og þyngdarsviðum.

Á Hitomi að geta varpað ljósi á þróun vetrarbrautaþyrpinga sem eru stærstu fyrirbæri í alheiminum, hegðun efnis í gríðarsterkum þyngdarsviðum, snúning svarthola, innri gerð nifteindastjarna og eðlisfræði efnisstróka eins og þeirra sem stafa frá pólum svarthola. 

Frétt NASA af Hitomi-röntgengeimsjónaukanum

mbl.is
Vetur í Biskupstungum...
Eigum laust sumarhús í mars/april í nokkra daga. Hlý og kósí hús með heitum pot...
Leiga, herb. hús, við Gullna hringinn..
Studio herb. með sérbaði og eldunaraðstöðu, hlýleg og kósí, 5 mínútur frá Gey...
CASE 580 G Grafa til sölu
Case 580G til sölu á vægu verði 790þús.+vsk ...Ný dekk og mikið endurnýjað af s...
www.flutningur.is 5753000 sendibilastöð
Allar stærðir sendibíla. Traust og góð þjónusta við fyrirtæki og einstaklinga. ...