Bandaríkin og Kína, sem samanlagt bera ábyrgð á losun 40% gróðurhúsalofttegunda, hafa skrifað undir Par­ís­ar­sam­komu­lagið um lofts­lags­mál.

Sigrún Magnús­dótt­ir um­hverf­is- og auðlindaráðherra, skrifaði undir Par­ís­ar­sam­komu­lagið fyr­ir Íslands hönd í apríl. 

Eins og kunn­ugt er náðist sam­komu­lag um hert­ar aðgerðir í lofts­lags­mál­um á 21. aðild­ar­ríkjaþingi Loft­lags­samn­ings SÞ í Par­ís í des­em­ber. Eft­ir er að ganga form­lega frá und­ir­skrift Par­ís­ar­samn­ings­ins og síðan þurfa ríki að full­gilda hann svo hann gangi í gildi.

Parísarsamkomulagið einróma samþykkt af 195 þátttökuríkjum COP21 loftslagsráðstefnunnar. Aldrei áður hafa jafnmörg ríki tekið höndum saman í loftslagsmálum. Samkomulagið fólst m.a. í því að tryggja að hlýnun jarðar skyldi vera innan við 2 gráður og reynt skyldi að halda henni innan 1,5 gráða sem er talsvert metnaðarfyllra markmið en áður hefur verið samþykkt.

Meðal helstu atriða í Parísarsamkomulaginu, fyrir utan takmörk á hlýnun jarðar, voru að tryggja eftirfylgni markmiða landa í loftslagsmálum með þeim hætti að á fimm ára fresti yrði farið yfir stöðu mála og í kjölfarið skyldu ríki setja sér ný, metnaðarfull markmið. Einnig voru settar fram kröfur um bókhald yfir nettólosun allra ríkja til að auðvelda eftirlit og síðan var lofað fjármögnun í loftslagsmál til þróunarlanda.

Tengdar fréttir

Loftslagsvá

Stórt svæði orðið eldi að bráð

• Thunberg: „Aðeins byrjunin“
• Svissneska ríkið sakfellt í loftslagsmáli
• Hitamet slegið í Austurríki
• Greta Thunberg handtekin tvisvar

» Fleiri tengdar fréttir

• 3 blogg um fréttina

Bloggað um fréttina

• Ómar Ragnarsson: Hvað gera repúblikanar?
• Geir Ágústsson: Flókin vísindi soðin saman í eina formúlu
• Valdimar H Jóhannesson: Dansað í kringum þvælufræði