Blekktir með geimgöngu „í beinni“

Bandaríski geimfarinn Terry Virts í geimgöngu utan við Alþjóðlegu geimstöðina ...
Bandaríski geimfarinn Terry Virts í geimgöngu utan við Alþjóðlegu geimstöðina í fyrra. mynd/NASA

Milljónir netverja virðast hafa verið blekktir með „beinni útsendingu“ frá geimgöngu við Alþjóðlegu geimstöðina á smelludólgasíðum í dag. Myndböndin af geimförunum sem þar sáust voru í raun frá eldri geimgöngum, en engin slík fór fram í dag.

Vefsíðurnar Viral USA og Unilad birtu myndbönd á Facebook-síðum sínum í dag sem voru sögð bein útsending frá geimgöngu við Alþjóðlegu geimstöðina á braut um jörðina. NASA hafði hins vegar ekki tilkynnt neina geimgöngu í dag og engin bein útsending var á Facebook-síðu geimstöðvarinnar heldur.

Blaðamaður vefsíðunnar Mashable fékk fljótt staðfest hjá talsmanni NASA að engin bein útsending væri frá geimstöðinni í dag. Myndböndin væru í raun úr eldri geimgöngum. Þá höfðu milljónir manna líkað við og horft á myndbönd vefsíðnanna.

Hægt er að sjá raunverulega beina útsendingu frá myndavélum utan á Alþjóðlegu geimstöðinni á vefsíðu NASA. Það tekur geimstöðina níutíu mínútur að fara einn hring um jörðina og því er myndin svört helming tímans þótt vissulega sé hægt að greina borgarljós í myrkrinu.


Broadcast live streaming video on Ustream

Frétt IFLScience

mbl.is
Ertu komin í saumaskap ?
Nýjar og notaðar saumavélar í úrvali. Nýjar vélar með 3 ára ábyrgð. Notaðar véla...
Kolaportið alltaf gott veður!
Góða veðrið og góða skapið er í KOLAPORTINU!...
Kommóða
Kommóða til sölu.3ja skúffu ljós viðarlit.. Mjög vel útlítandi..Verð kr 2000. S...
Við kaup og sölu fasteigna.
Ertu í söluhugleiðingum. Hafðu þá samband við mig....