Stór skref í átt að lækningu við kvefi

Engum finnst gaman að fá kvef og mögulega finnst lækning ...
Engum finnst gaman að fá kvef og mögulega finnst lækning við því innan fárra ára. mbl.is/Sverrir Vilhelmsson

Vísindamenn telja að sameind sem hefur fundist í ónæmiskerfi manna og dýra gæti verið stórt skref í því að finna lækningu við almennu kvefi. Vísindamennirnir segja þróun í þessa átt „spennandi“.

Fjallað er um málið á vef Sky-fréttastofunnar í dag. Í fréttinni kemur fram að vísindamennirnir sem vinni að rannsókninni starfi við Napier háskólann í Edinborg. Þeir hafa uppgötvað mögulega nýja meðferð sem byggð er á örverudrepandi peptíðum (stuttum próteinum) sem fyrirfinnast frá náttúrunnar hendi í ónæmiskerfum og auka svörun líkamans við sýkingum. 

Rannsóknin hefur staðið yfir í fimm ár. Peptíðin sem um ræðir fyrirfinnast í ólíkum spendýrum og hafa öll þá eiginleika að geta barist gegn nasaveirum sem eru helsta orsök almenns kvefs í fólki.

Í tilraunum sem gerðar voru kom í ljós að peptíð, sem búin voru til á rannsóknarstofu, náðu að vinna á kvefveirunni. Á næsta stigi rannsóknarinnar munu vísindamennirnir finna leið til að breyta peptíðunum til að auka enn árangur þeirra í baráttunni við nasaveirurnar. 

Rannsóknin er enn stutt á veg komin en vísindamennirnir eru spenntir að sjá hvert hún mun leiða þá. „Lokatakmarkið er að þróa lyfjameðferð sem gæti mögulega læknað almennt kvef,“ hefur Sky eftir Peter Barlow, prófessor í ónæmisfræði sem tekur þátt í rannsókninni.

mbl.is
Viltu auka business þinn. Egat Nuddsteinar(Basalt) ásamt Steinapotti 39.000
Viltu auka business þinn.(Hot Stones) . Hlægilegt verð :Fallegir Nuddsteinar (Ba...
Listvinahúsið - Guðmundur frá Miðdal - 1939
Listvinahúsið - Guðmundur frá Miðdal - 1939 Til sölu: Hvítabjörn með hún. Mjög ...
 
Aðalsafnaðarfundur aðalsafnaðarfundur g
Fundir - mannfagnaðir
Aðalsafnaðarfundur Aðalsafnaðarfundur...
Menning
Listir
Musicians The Akureyri Culture Society ...
Aðalfundur
Fundir - mannfagnaðir
Aðalfundur Landssambands sumarhúsa...
Félagsstarf
Staður og stund
Aflagrandi 40 opin vinnustofa kl. 9 og f...