Fornsögulegir Bretar átu látna ættingja

Vísindamenn hafa komist að þeirri niðurstöðu að íbúar Bretlands hafi fyrir um 15 þúsund árum síðan úrbeinað látna ættingja sína og lagt þá sér til munns. Því næst hafi þeir grafið tákn í bein ættingjanna. Þannig hafa fundist mannabein sem ljóst þykir að hafi verið meðhöndluð með þeim hætti samkvæmt fréttavef Daily Telegraph.

Rannsökuð hafa verið hundruð beina úr bæði dýrum og mönnum frá þessum tíma af vísindamönnum frá Náttúrusögusafninu í London og University College London sem fundust í Gough-helli sem var mjög lengi nýttur sem mannabústaður. Beinin hafa verið nagað, merkt með tákni og síðan brotið í sundur til þess að sjúga úr því merginn.

Talið er að þetta hafi hugsanlega tengst einhverjum trúarlegum athöfnum. Þá líklega í tengslum við lát viðkomandi einstaklings. Táknin hafi þá hugsanlega verið til marks um ævi hans eða með hvaða hætti hann hafi látist. Áður höfðu fundust hauskúpur í hellingum sem breytt hafði verið í skálar eða drykkjarföng.

• Blogga um frétt