Nýr iPhone X með andlitslesara

Heimatakkinn er á bak og burt í nýjum iPhone X.
Heimatakkinn er á bak og burt í nýjum iPhone X. AFP

Apple hefur nú svipt hulunni af nýjasta meðlimi iPhone fjölskyldunnar, iPhone X, sem margir höfðu beðið eftir af mikilli eftirvæntingu. Ýmsar nýjungar verður að finna í nýja snjallsímanum, en helsta útlitsbreytingin er sú að skjárinn nær yfir alla framhlið símans og heimatakann er því ekki lengur að finna þar.

Þá verður hægt að aflæsa símanum með því að nota andlitið, því síminn býr yfir andlitslesara sem þekkir andlit eigandans. Apple segir þetta veita fullkomið öryggi og skynjarinn láti ekki gabbast af myndum eða grímum.

Hleðslutæki með snúru verða ekki nauðsynleg því síminn kemur með hleðslustöð sem síminn er einfaldlega lagður ofan á. Hægt verður að hlaða önnur Apple tæki með sömu hleðslustöð.

Skjárinn á iPhone X er 5,8 tommur en Apple fullyrðir að hann sé mun léttari en iPhone plús símarnir.

Síminn verður hins vegar töluvert dýrari en eldri gerðir. Ódýrasta útgáfan af símanum, með 64 gb minni, mun kosta um 1000 dollara í Bandaríkjunum og væntanlega vel yfir 100 þúsund krónur hér á landi. Búist er við að iPhone X komi í verslanir vestanhafs þann 3. nóvember næstkomandi, en hægt verður að panta eintak frá og með 27. október.

Hér geturðu kynnt þér iPhone X

mbl.is
Fleira áhugavert
Fleira áhugavert