Fundu forna borg í skóginum

Ný tækni, sem byggð er á notkun leysigeisla úr drónum, ...
Ný tækni, sem byggð er á notkun leysigeisla úr drónum, var notuð við að finna borgina.

Vísindamenn hafa fundið yfir 60 þúsund húsarústir frá tímum Maja í frumskógum Gvatemala. Um tímamótauppgötvun er að ræða en við greininguna var stuðst við leysitækni.

Með þeirri tækni tókst að bera kennsl á rústir húsa, halla, uppbyggðra vega og varnarmannvirkja, að því er fram kemur í frétt BBC um málið. Í raun er um risaborg að ræða sem hefur verið týnd í aldir í skóginum í norðurhluta Gvatemala.

Svæðið er í nágrenni við þekktan fundarstað rústa frá uppgangstímum Maja í landinu. Talið er að milljónir manna hafi búið á svæðinu, mun fleiri en áður hefur verið talið.

Fornleifafræðingar telja að tæknin sem beitt var við fundinn eigi eftir að gjörbreyta þekkingu manna á menningu Maja.

National Geograpic greindi fyrst frá niðurstöðum vísindamannanna. Í grein blaðsins segir að um 2.100 ferkílómetra svæði hafi verið kortlagt í rannsókninni. Niðurstöðurnar bendi til að í Mið-Ameríku hafi verið til þróað samfélag á pari við þá menningarheima sem fundust á Grikklandi og í Kína til forna. Blómaskeið þessa samfélags var fyrir um 1.200 árum. 

„Það hefur verið álitið meðal vestrænna þjóða að flókin samfélög hafi ekki getað þrifist í hitabeltinu og að þangað fari samfélög aðeins til að deyja,“ er haft eftir Marcello Canuto, fornleifafræðingi við Tulane-háskóla í greininni. Hins vegar hafi tekist að sýna fram á hið gagnstæða með þessari nýju rannsóknartækni bæði í Mið-Ameríku og í Kambódíu þar sem hið fræga Angkor Wat er m.a. að finna.

Majar notuðu ekki hjólið en engu að síður tókst þeim „að flytja fjöll“ að sögn Canuto.

mbl.is
Stimplar
...
Kínverskur antik skápur
Mjög glæsilegur kínverskur antik skápur til sölu. Hæð 2.20 Breidd 1.50 Þykkt ...
Lok á heita potta
Lok á heita potta og hitaveitu- skeljar Stærðir í cm: 200x200, 210x210, 220x220,...
Ertu með ristilkrabba á byrjunarstigi?
Eftir hægðir setur þú eitt Ez Detect prófblað í salernið. Ef ósýnilegt blóð...
 
Skólastjóri tónlistarskólans
Listir
Laus störf í Skaftárhreppi Starf ...
Mannauðsstjóri rykjanesbær
Stjórnunarstörf
Reykjanesbær er fimmta stærsta sveitarfé...
Framhald uppboðs
Nauðungarsala
Uppboð Einnig birt á www.naudungarsolu...
Sumarstörf n1
Önnur störf
Vilt þú vinna á líflegum vinnustað í s...