Elsta húðflúr heims fundið

Húðflúrin á múmíunni af karlmanninum.
Húðflúrin á múmíunni af karlmanninum. Skjáskot/Journal of Archaeological Science.

Húðflúr fannst á 5.000 ára gömlum egypskum múmíum og er því um að ræða elstu húðflúr sem hingað til hafa fundist.

Á einni múmíunni, sem er af karlmanni, fannst mynd af nauti húðflúruð á upphandlegg sem og af fjallageit. Á múmíu af konu fannst hins vegar S-laga tákn.

Sagt er frá fundinum í vísindagrein í nýjasta tölublaði Journal of Archaeological Science. Þar til nú var talið að elstu ummerki um húðflúr séu frá því fyrir 1.000 árum í Afríku.

Þá hefur þessi nýja uppgötvun einnig sýnt fram á að það voru ekki aðeins konur sem voru húðflúraðar í Egyptalandi til forna.

Daniel Antoine, aðalhöfundur rannsóknarinnar, segir í samtali við CNN að táknin sem flúruð hafi verið á fólkið séu nokkuð óvenjuleg. Hann segir að dýratáknin á karlmanninum hafi líklega verið merki um valdastöðu hans. Bæði dýrin séu hyrnd og um er að ræða þekktar myndir sem víða hafa fundist í grafhvelfingum og fleiri byggingum í Egyptalandi.

Múmíurnar eru af fólki sem talið er hafa verið uppi um 3351-3017 fyrir Krist. 

mbl.is
Sultukrukkur, minibarflöskur og skór...
Til sölu ..Ca 100 gler krukkur til sölu..Frekar litlar... Einnig ca 200 smáflös...
Vatnshitarar fyrir sumarhús.
Ýmsar gerðir af vatnshiturum 3300w til 21000w fyrir sumarhús, þessi búnaður er f...
Olíumálverk eftir Ásgrím Jónsson
Olíumálverk eftir Ásgrím Jónsson, málað í Húsafelli. Stærð ca. 70x63 cm. Uppl í ...
KRISTALS LJÓSAKRÓNUR í Glæsibær
Glæsilegar kristalsljósakrónur fyrir falleg heimili. Handskornar kristalsljósak...