Fylgstu með loftgæðum heimsins í beinni

Svifrykið í Reykjavík gerir útivist hreinlega heilsuspillandi fyrir suma hópa ...
Svifrykið í Reykjavík gerir útivist hreinlega heilsuspillandi fyrir suma hópa þegar ástandið er slæmt. mbl.is/Kristinn Magnússon

Væntanlega hefur ekki farið framhjá neinum að töluvert svifryk hefur verið í andrúmsloftinu á höfuðborgarsvæðinu síðustu daga. Mengunin í fyrradag var slík að Heilbrigðiseftirlit Reykjavíkur ráðlagði þeim sem viðkvæmir væru fyrir í öndunarfærum og börnum að forðast útivist í nágrenni stórra umferðargatna.

Hægt er að fylgjast með loftgæðum víða um heim í rauntíma á internetinu á vefsíðu verkefnisins World Air Quality Index.

Verkefnið er samfélagsverkefni sem hófst í Peking í Kína árið 2007 og safnar rauntímagögnum um loftgæði og smáagnir í andrúmsloftinu frá fleiri en 10.000 mælistöðvum í yfir 80 löndum.

Gögnin um loftgæðin hérlendis sem birtast á síðunni koma frá rauntímastöðvum Umhverfisstofnunar.

Gögn um smáagnir í lofti eru yfirfærð yfir í svokallaðan Air Quality Index (AQI), sem er á skalanum 0-500. Loftgæði undir 100 á AQI-skalanum teljast góð eða ásættanleg, en fari þau yfir 100 teljast loftgæðin óheilnæm fyrir viðkvæma hópa.

Fari AQI-skorið yfir 151 telst loftið óheilsusamlegt fyrir alla – og það gerðist hérlendis í gær, er bæði mælingar við Dalsmára í Kópavogi og Grensásveg í Reykjavík fóru yfir 160 á AQI-skalanum.

Áhugavert er að skoða heimskortið út frá þessu sjónarhorni og sjá hvernig loftgæðin í Reykjavík á slæmum dögum slaga upp í það sem virðist vera meðalmengun í milljónaborgum um víða veröld.

mbl.is
INTENSIVE ICELANDIC, ENGLISH, NORWEGIAN & DANISH f. foreigners - ÍSLENSKA f. útlendinga - ENSKA f. fullorðna - NORSKA
ÍSLENSKA, ENSKA, NORSKA, DANSKA I, II, III, IV, V, VI: 2019:SPRING/VORÖNN: ...
3 manna Infrarauður Saunaklefi www.egat.is/infraredsauna.html
Verð: 289.000 Tilboð til 1 des 259.000 - hiti 30-75 C (því 60 - 75 er það sem...
Til sölu Nissan Leaf.
2016 árgerð, ekinn 51 þús. 30 Kw. Blár, hraðhleðsla, vetrar/sumardekk, leðurklæd...
Lincoln Capri Landau árg. 1957
Bíllinn er lítið ekinn og aðeins tveir eigendur frá upphafi í USA og einn hér he...