Nátthrafnar líklegri til að deyja um aldur fram

AFP

Fólk sem fer seint að sofa og á erfitt með að vakna á morgnana er líklegra til þess að deyja um aldur fram en þeir sem fara snemma á fætur. Þetta kemur fram í niðurstöðum nýrrar rannsóknar sem breska ríkisútvarpið BBC greinir frá.

Samkvæmt rannsókninni, sem náði til 433 þúsund manns, eru nátthrafnar 10% líklegri til þess að deyja fyrir aldur fram en morgunhanar. Þá væru þeir sem færu seint á fætur líklegri til þess að eiga við ýmis geðræn og líkamleg vandamál að stríða.

Ekki var skoðaða í rannsókninni hvað ylli umræddum vandamálum en dregin sú ályktun að seinn fótferðartími væri líklegur til þess að hafa neikvæð áhrif á líkamsklukku nátthrafnanna í heimi sem sniðinn væri að þörfum morgunhana.

Fram kemur í niðurstöðuskýrslunni að meira þyrfti fyrir vikið að gera til þess að hjálpa nátthröfnum að aðlaga sig að heimi morgunhananna. Greint er frá niðurstöðunum í vísindatímaritinu Chronobiology International.

mbl.is
Heimili í borginni- www.eyjasolibudir.is
Fallegar 2-3ja herb. íbúðir í Reykjavik fyrir fjölskyldur og erlenda gesti. Einn...
3 manna Infrarauður Saunaklefi www.egat.is/infraredsauna.html
Verð: 289.000 Tilboð til 1 des 259.000 - hiti 30-75 C (því 60 - 75 er það sem...
RAFVIRKI
ALHLIÐA RAFLAGNIR EKKERT VERKEFNI ER OF SMÁTT Haukur Emilsson Simi 853 1199...
Ljósmyndanámskeið fyrir byjendur
Flott námskeið fyrir þá sem vilja læra á myndavélina og ná enn betri myndum. ...