Æskudraumur rættist með Nintendo

Leikurinn Sumer, sem Sigursteinn Jóhannes Gunnarsson stendur að, kom út á Nintendo Switch í Evrópu í gær. „Persónulega er þetta ótrúlega merkilegt og skemmtilegt. Maður ólst upp við að spila Mario á Nintendo NES-tölvunni og síðan er maður allt í einu búinn að gefa sjálfur út leik með þessu fyrirtæki.“

Þetta er til marks um hve Sigursteinn og félagar hans í Studio Wumpus, sem bjó til leikinn, hafa náð langt en leikurinn byrjaði sem útskriftarverkefni þeirra úr námi við New York University.

Sumer byggist á borðspilahefðinni en Sigursteinn og félagar vilja koma „borðspilagullöldinni“ sem hefur verið ríkjandi að undanförnu inn í leikjatölvurnar.

„Þetta er fjölskylduleikur. Eins og Catan er fjölskylduspil þá byggist Sumer mikið á spilamekaník og hugmyndinni um að spila saman. Það er ekkert ofbeldi í honum. Þetta er einstakur leikur; það er enginn annar leikur sem er nákvæmlega eins, sem reynir að ná fram þessari fjölskylduborðspilastemningu.“

Hann segir leikinn henta vel fyrir Switch.

„Þetta er leikur sem er best að spila fjórir saman fyrir framan sjónvarpið. Við vorum búnir að gefa leikinn út á Steam, sem er til að spila í PC en það eru svo fáir sem eiga fjórar fjarstýringar til að spila með í tölvu. Nintendo Switch gengur hinsvegar út á að spila saman. Tvær fjarstýringar fylgja með tölvunni en svo kaupa margir auka par af fjarstýringum og þá geta fjórir spilað saman.“

Sigursteinn Jóhannes Gunnarsson
Sigursteinn Jóhannes Gunnarsson mbl.is/Þórður Arnar Þórðarson
Ódýr Nýr Ferðanuddbekkur nokkur stk 46.000 www.egat.is
- Hægt að hækka og lækka bak eins og hentar - Ferðataska fylgir - þyngd 18.5 k...
Hobby 560UL hjólhýsi til sölu
2 rúm, sólarsella, makrísa og loftnet aukalega. 2012 vel með farið. innigeymsla ...
Fasteignir á ALGARVE svæðinu í PORTUGAL
Bæði luxus villur, einbýlishús af ýmsum stærðum og gerð og íbúðir í fjölbýli. s...
 
Rafvirki óskast
Önnur störf
Rafvirki óskast Óskum eftir rafvirkja ...
Félagsstarf
Staður og stund
Aflagrandi 40 Opin vinnustofa kl. 9 og f...
Skipulagsaugl
Tilkynningar
Borgarbyggð Skipulagsauglýsing Sveit...
Símaþjónusta
Önnur störf
Símaþjónusta sumarafleysing Óskað ...