Forsetinn tístir í gríð og erg

AFP

Enginn þjóðarleiðtogi kemst með tærnar þar sem Donald Trump hefur hælana þegar kemur að vinsældum á Twitter. Alls fylgja 52 milljónir Trump á Twitter en þeim hefur fjölgað gríðarlega frá því hann tók við embætti forseta.

Páfinn er með 45 milljónir fylgjenda á Twitter og 42 milljónir fylgja forsætisráðherra Indlands, Narendra Modi, samkvæmt nýrri rannsókn samskiptafyrirtækisins Burson Cohn & Wolfe (BCW).

Undanfarið ár hefur Trump átt tæplega 264,5 milljón samskipti við fylgjendur sína sem er fimm sinnum fleiri en Modi og tólf sinnum fleiri en Frans páfi.

En þegar kemur að endurtísti þá er konungur Sádi-Arabíu, Salman, fremstur í flokki. Því þrátt fyrir aðeins 11 færslur á Twitter frá því í maí 2017 til maí 2018 þá hefur hverri þeirra verið tíst áfram að meðaltali 154.294 sinnum. Trump nær aftur á móti ekki nema 20.319 endurtísti á sama tíma fyrir hverja færslu.

mbl.is
isl-stáleldhúskollar ódýrir
er með nokkra ódýra eldhús-kolla á 5,500 kr STYKKIÐ sími 869-2798...
VELLÍÐAN OG DEKUR.
Stress er þáttur í daglegu lífi. slökun og meðferð við stressi- áralöng reynsl...
Nissan Micra árg.2005
Nissan Micra árg.2005. Beinskiptur. Aðeins ekinn 70.000. Frábær smábíll. Uppl.í...
ÞVOTTAVÉL
TIL SÖLU GÓÐ AEG ÞVOTTAVÉL. NÝ KOL. VERÐ 45Þ.Þ. UPPL. Í 822-4850....