Heimila að bergbrot hefjist á ný

Mótmælendur við vinnslusvæði Cuadrilla í suðurhluta Englands. Mynd úr safni.
Mótmælendur við vinnslusvæði Cuadrilla í suðurhluta Englands. Mynd úr safni. AFP

Bergbrot (e. fracking) til að vinna leirsteinsgas hefur nú verið heimilað á ný í Bretlandi, í fyrsta skipti frá því að slík vinnsla var bönnuð árið 2011 vegna vísbendinga um að hún gæti ollið jarðskjálftum. Var það dómari í hæstarétti Lancashire sem úrskurðaði að vinnsla geti hafist.

Bergbrot fer þannig fram að vatni, sandi og ýmsum efnum er dælt ofan í leirsteinslög með miklum þrýstingi. Þannig er bergið í kringum borleiðslurnar sprengt og gas sem fast er inni í berginu losnar.

Árið 2014 varaði þáverandi aðalvísindaráðgjafi bresku ríkisstjórnarinnar varar við því að bergbrot gæti verið eins hættulegt og tóbak og asbest. Menn hafi verið of fljótir á sér að tileinka sér þessa nýju tækni sem gæti síðan reynst hafa alvarleg áhrif á náttúruna og heilsu fólks.

BBC segir jarðvinnslufyrirtækið Cuadrilla nú vera með tvær nýjar borholur í Lancashire, auk fyrri vinnslu.

Bob Dennett, sem er einn baráttumannanna gegn vinnslunni, fullyrti fyrir hæstarétti að sveitastjórnvöld í Lancahsire hefðu ekki látið vinna ítarlegt öryggismat. Dómarinn Supperstone sagði hins vegar „engar sannanir“ styðja þá fullyrðingu.

„Kröfuhafinn verður fyrst að sýna fram á að hér sé alvarlegt mál sem verði að skoða. Ég er þeirrar skoðunar að kröfuhafinn kemst ekki yfir þessa fyrstu hindrun,“ sagði dómarinn

Þá hafnaði hann því að dómsskoðun yrði framkvæmd á öryggisáætlun sveitastjórnvalda varðandi svæðið.

mbl.is
Kisudagurinn í Kattholti 1.júní n.k. kl.12
Haldinn verður markaður til styrktar athvarfinu Stangarhyl 2, 110 Rvík og verður...
Til sölu spónlagðar plötur eik, mahogan
Til sölu spónlagðar plötur eik, mahogany og beyki, 60 x280 cm. 16 mm þykkar. Ver...
fjóir eldhús- stálstólar
fjórir stáleldhússtólar nýlegir á 25,0000 allir sími 869-2798...
Vor í Tungunum, Eyjasól ehf.
Nú er að skella sér í sumarbústað um helgina og eða næstu... Rúm fyrir 5-6. Tak...