80% fyrirtækja hafa orðið fyrir netárás

Ekki er gott ef tölvuþrjótar veiða viðkvæm gögn.
Ekki er gott ef tölvuþrjótar veiða viðkvæm gögn. mbl.is/Júlíus Sigurjónsson

Samkvæmt nýrri viðhorfskönnun Deloitte á Íslandi hafa 80% fyrirtækja hérlendis orðið fyrir svonefndri „veiðipóstaárás“, en slíkar árásir nefnast „phishing“ á ensku.

Í slíkum netárásum felst meðal annars að tölvuþrjótar reyna að narra móttakendur tölvupósts til þess að senda sér viðkvæmar upplýsingar eins og lykilorð starfsmanna eða þá að fórnarlömbin eiga að smella á hlekki í póstinum, sem leiða fórnarlambið þá á allt annan og verri stað en hann taldi að hlekkurinn leiddi til.

Þorvaldur Henningsson, yfirmaður netvarnadeildar Deloitte á Íslandi, segir í umfjöllun um mál þetta í Morgunblaðinu í dag að árásir af þessari gerð séu mjög mismunandi að gerð og gæðum. Hins vegar séu afleiðingarnars fyrir þau fyrirtæki sem verða fyrir árásunum oft mjög alvarlegar. Því sé mikilvægt að fyrirtæki hugi vel að því hvernig eigi að verjast árásum af þessu tagi.

Þar skiptir mestu máli að starfsfólk sé vel upplýst um það hvernig veiðipóstar líti út sem og að fólk sé almennt vel vakandi fyrir því hvort þeir tölvupóstar sem það fær séu frá réttum aðilum eða ekki.

Perlur sem ekki þarf að strauja !!
Nýtt á Íslandi, perlur sem ekki þarf að strauja, einungis sprauta vatni á og þær...
Vetrardekk
Til sölu 4stk hálfslitin vetrardekk 205/55 R16.. Verð kr 12000... Sími 8986048....
NOTAÐ&NÝTT
NOTAÐ&NÝTT er ný verslun á Skemmuvegi 6 á bak við Byko. Mikið úrval af fallegum ...
KRISTALS LJÓSAKRÓNUR í Glæsibær
Glæsilegar kristalsljósakrónur fyrir falleg heimili. Handskornar kristalsljósak...