Verið að vopngera persónuuppýsingar

Tim Cook, framkvæmdastjóri Apple, sagði verið að vopngera misnotkun verulega ...
Tim Cook, framkvæmdastjóri Apple, sagði verið að vopngera misnotkun verulega persónulegra upplýsinga af „hernaðarlegri nákvæmni“. AFP

Tim Cook, framkvæmdastjóri Apple, krefst þess að bandarísk stjórnvöld herði gagnaverndarlöggjöf sína. Cook lét þessi orð falla í óvenjulegri ræðu sem hann hélt á alþjóðaráðstefnu um gagnavernd, International Conference of Data Protection and Privacy Commissioners, sem nú stendur yfir í Brussel í Belgíu.

Sagði Cook að verið væri að vopngera misnotkun verulega persónulegra upplýsinga af „hernaðarlegri nákvæmni“.

„Við eigum ekki að sykurhúða afleiðingarnar,“ sagði hann. „Þetta er eftirlit.“

BBC segir Cook jafnframt hafa lofað gagnaverndarlöggjöf Evrópusambandsins sem tók gildi í maí .

Þá lýsti hann í smáatriðum því sem hann kallaði „iðnaðargagnaþyrpingu“ og sagði milljarða dollara verslun byggja á því hvað fólki líkaði og líkaði ekki við. Þetta séu hins vegar aðeins tveir þeirra þátta sem upplýsingatæknifyrirtæki og auglýsendur fylgist með.

Þetta „ætti að valda okkur áhyggjum,“ sagði Cook og kvað ESB, með gagnalöggjöf sinni, hafa sýnt heiminum að þegar góð stefna og stjórnmál fari saman þá sé hægt að sameinast um að vernda réttindi allra.

„Það er tímabært fyrir restina af heiminum, m.a. mitt heimaland, að fylgja í fótspor ykkar,“ bætti hann við og sagði Apple styðja að sambærileg löggjöf yrði sett í Bandaríkjunum.

mbl.is
Ertu komin í saumaskap ?
Nýjar og notaðar saumavélar í úrvali. Nýjar vélar með 3 ára ábyrgð. Notaðar véla...
Kolaportið alltaf gott veður!
Góða veðrið og góða skapið er í KOLAPORTINU!...
Kaupi notaðar hljómplötur. Sími 696 1909.
Kaupi notaðar hljómplötur. Sími 696 1909....
Patrol 2006
Til sölu Nissan Patrol 2006 ekinn 186.000. Einn eigandi, gott viðhald, skoðaður ...