Flest endurtíst í sögu Twitter

Yusaka Maezawa komst í heimsfréttir um árið þegar Elon Musk ...
Yusaka Maezawa komst í heimsfréttir um árið þegar Elon Musk bauð honum til tunglsins. Nú sigrar hann Twitter. AFP

Japanskur milljarðamæringur hefur slegið nýtt heimsmet: tístinu hans hefur verið endurtíst oftast allra tísta í sögu Twitter. Endurtístarar höfðu enda ærna ástæðu til: hann lofaði að útbýta hundrað milljón jenum, andvirði 109 milljóna í krónum, á milli 100 heppinna endurtístara.

Hann sum sé keypti sér heimsmetið. Áður vermdi efsta sætið unglingur áfjáður í ársbirgðir af kjúklinganöggum. Sá bíður nú í lægri hlut; hann má sín lítils gagnvart auðæfum Yusaku Maezawa.

Maezawa tísti mynd af eins konar auglýsingaplaggi frá Zozotown, netverslun hans. Tilefnið var að fagna góðu gengi netverslunarinnar, sem komst yfir 10 milljarða jena markið eftir mikla sölu á nýársútsölunni.

Maezawa vísar þá í tístinu til fyrirhugaðs ferðalags síns til tungslins en mbl.is hefur sagt frá því að Elon Musk lofaði Maezawa að fá að fara til tunglsins við fyrsta færi.

mbl.is
Húsaviðgerðir
https://www.husco.is...
Gisting við flugbraut..
Lítið sumarhús og kósý í fallegu umhverfi á suðurlandi. Gisting 2 nætur eða meir...
Vatnshitarar fyrir sumarhús.
Ýmsar gerðir af vatnshiturum 3300w til 24000w fyrir sumarhús, þessi búnaður er f...
Bókalind - antikbókabúð
Erum með fjölbreytta flóru af bókum. Við erum með t.d. orðabækur, matreiðslubæku...