Án þess að sjái fyrir endann á hremmingum Apple, sem varaði við versnandi afkomu í byrjun árs, skjóta upp kollinum myndir af nýjum iPhone, sem er kallaður iPhone XI. Þetta er leki. Og ef nokkuð er að marka hann, er að vænta róttækra breytinga á símanum.
Á getgátumyndum er síminn búinn þriggja linsu myndavél, sem samkvæmt heimildamanni Hypebeast kann að vera 3D-tækni. Til þess að taka þrívíðar myndir þarf myndavélin að geta nálgast viðfang sitt frá nægilega mörgum sjónarhornum og ekki er útilokað að þessi myndavél sé fær um það.
Back from September 2019, I bring you the very 1st and very early glimpse at which I guess #Apple will unveil as #iPhoneXI!!! Yes, time has already come to meet the new #iPhone through gorgeous 5K renders made on behalf of new coming Partner @digitindia -> https://t.co/b6SxFUS2tx pic.twitter.com/97jrlTHQ5G
— Steve H.McFly (@OnLeaks) 6 January 2019
Myndirnar eru frá leikmanni en ýmsir miðlar hafa fjallað um þær og bent jafnvel á, að Apple er óneitanlega í þeirri stöðu að þurfa nauðsynlega að endurvekja áhuga fólks á símum sínum. Þrívíddarmyndavél væri ekki vitlaust skref í þeim efnum.
Apple sendi frá sér tvo síma í fyrrahaust, iPhone XS og XR, og ljóst er að salan var dræmari en þeir máttu vona. Þessar getgátur um nýjan síma verða að veruleika í fyrsta lagi næsta haust, símar Apple eru kynntir um miðbik september ár hvert.
Alls hafa hlutabréf í Apple fallið um 35% í verði frá því í byrjun október en aðfaranótt 3. janúar hrapaði það eftir afkomuviðvörun. Síðan þá hefur það fikrað sig smátt og smátt upp á við.