Hægt að eyða skilaboðum í Messenger

Hér má sjá hvernig skilaboðum er eytt.
Hér má sjá hvernig skilaboðum er eytt. Ljósmynd/Facebook

Hver myndi ekki vilja eyða heimskulegum hlutum sem hann eða hún hefur sagt á lífsleiðinni? Núna geta notendur Messenger-spjallforritsins á Facebook eytt skilaboðum þannig að enginn sjái þau.

Fjallað er um málið á vef Wired. Þar segir meðal annars að Facebook hafi fyrir ári lofað notendum að hægt yrði að eyða skilaboðum á Messenger en loksins núna sé það mögulegt.

Notendur hafa hingað til getað eytt skilaboðum en eingöngu þannig að þau eyðast þeirra megin en móttakendur þeirra sjá þau enn. Nú er hægt að eyða þeim þannig að móttakandinn sér ekki skilaboðin en fólk verður að hafa hraðar hendur.

Notendur hafa einungis tíu mínútur til að eyða skilaboðum úr spjalli. Sé viðkomandi í síma er nóg að smella á skilaboðin sem á að eyða, upp kemur valmynd þar sem valið er hvort skilaborðum verði eytt þannig að hvorki sendandi né viðtakandi sjái skilaboðin eða eingöngu sendandinn. 

Eins og sjá má á þessari mynd sér viðtakandi skilaboða ...
Eins og sjá má á þessari mynd sér viðtakandi skilaboða ef þeim er eytt. Skjáskot

Sé notandi hins vegar í tölvu birtast þrír punktar við hlið skilaboðanna og fer notandinn í gegnum sama ferli og í símanum. Það verður þó að hafa í huga að sá eða sú sem rætt er við sér að skilaboðum hefur verið eytt.

mbl.is
Pallhýsi Travel Lite á Íslandi
Nú er að verða síðasti möguleiki að panta pallhýsi, ef það á að vera tilbúið fyr...
Byggingastjórn - Húsasmíðameistari - Eignaskiptayfirlýsingar
Byggingastjórn - Húsasmíðameistari - Eignaskiptayfirlýsingar - Leigusamningar T...
Óska eftir 3 herbergja íbúð í 109, Bakkahverfi
Erum þrír , faðir og tveir unglingar. í heimili og vantar íbúð í Bakkahverfinu á...