Kraftur nýsköpunar liggi í menningunni

Hilmar Veigar Pétursson, framkvæmdastjóri CCP.
Hilmar Veigar Pétursson, framkvæmdastjóri CCP. Ljósmynd/Arnar Valdimarsson

Ríkið þarf að taka þátt í áhættunni sem fylgir nýsköpun eins og gert hefur verið í tengslum við tónlist og bíómyndir hér á landi, segir framkvæmdastjóri CCP.

„Ef horft er á hversu miklu við verjum af hagstærðinni í tónlistarmenntun þá er ekkert skrítið að við eigum svona mikið af afburðatónlistarfólki. Eins er með kvikmyndirnar. Ef við horfum á hugverk, tölvuleiki og annað slíkt, er alveg hægt að ná sama árangri ef fólk er fylgið sér og sækir fram á við og tekur ákvörðun um að gera það,“ segir Hilmar Veigar Pétursson, frumkvöðull og framkvæmdastjóri CCP.

Hilmar Veigar hélt erindið Frá hugmynd til sýndarheimsyfirráða í Hátíðarsal Háskóla Íslands í hádeginu þar sem hann fjallaði um velgengni tölvuleiksins EVE Online, sem er ekki bara tölvuleikur heldur sjálfstætt hagkerfi, borg eða draumaheimur, eða þetta allt ef marka mátti erindi Hilmars Veigars.

Í erindi sínu sagði Hilmar Veigar að velgengni Íslands á sviði tónlistar, kvikmynda og jafnvel íþrótta væri engin tilviljun heldur hafi verið að þessu unnið sleitulaust árum saman.

Snorra-Edda ákveðinn sýndarveruleiki

Kraftur Íslendinga til nýsköpunar lægi meðal annars í menningunni þar sem frásagnarhefð sé rík og segir Hilmar Veigar að Snorra-Edda sé gott dæmi um sýndarveruleikaheim með þeirri tækni sem til var á þeim tíma sem hún var skrifuð.

Til stendur að starfsemi CCP flytji í Grósku, sem er hluti Vísindagarða Háskóla Íslands, og er það von fyrirtækisins að aukin nálægð við háskólasamfélagið verði til þess að úr verði aukin nýsköpun í samstarfi við ungt og efnilegt fólk.

mbl.is
Í boði á bokmenntir.netserv.is
Anna í Grænuhlíð I-III. Íslenskar ljósmæður I-II. Forn frægðarsetur I-IV. Fles...
Bílskúr til leigu á Hjarðarhaga, 105 Reykjavík
Til leigu 24,5 fermetra upphitaður bílskúr. Leigist sem geymsla,,ekki fyrir viðg...
Hornborð til sölu ódýrt.
Hornborð 65x65 cm. Hæð 45 cm. Vel með farið kr. 1200.- Er í Garðabæ s: 8691204...
Volvo V70 1998 CROSS COUNTRY 4X4
Prútta ekki neitt með þetta verð. þarf að skipta um eina legu. xenon ljós. er á ...