Nokia-símar sendu gögn til Kína

Í kjölfar rannsóknar NRK voru finnsk netöryggisyfirvöld látin vita og ...
Í kjölfar rannsóknar NRK voru finnsk netöryggisyfirvöld látin vita og hafa þau nú hafið sína eigin rannsókn. AFP

Fjöldi farsíma af gerðinni Nokia 7 Plus hefur mánuðum saman sent persónugreinanleg gögn norskra eigenda sinna, og mögulega eigenda í fleiri löndum, til vefþjóns sem staðsettur er í Kína.

NRK hóf rannsókn á málinu eftir að hafa fengið ábendingu frá lesanda sem hafði tekið eftir því að síminn hans tengdist reglulega óþekktum vefþjóni og sendi þangað ódulkóðuð gögn um staðsetningu símans, SIM-kortanúmerið og raðnúmer símans í hvert sinn sem kveikt var á símanum, skjá hans eða honum aflæst.

Í kjölfar rannsóknar NRK voru finnsk netöryggisyfirvöld látin vita og hafa þau nú hafið sína eigin rannsókn vegna málsins, að því er segir í frétt NRK.

Fátt hefur verið um svör frá HDM Global, eiganda Nokia, við fyrirspurnum NRK vegna málsins, en það sem þykir öruggt í þessu máli er að umræddur eiginleiki Nokia 7 Plus farsímanna átti einungis að vera til staðar í þeim farsímum sem seldir eru í Kína, þar sem farsíminn nýtur gríðarlegra vinsælda.

Farsíminn kom á markað snemma árs 2018 og seldust 250 þúsund eintök upp á aðeins fjórum mínútum í Kína. HDM Global hefur staðfest við NRK að eiginleikanum hafi verið eytt í nýjustu uppfærslu farsímanna og að langflestir eigendur farsímans hafi þegar sótt uppfærsluna.

Ítarleg umfjöllun NRK um málið.

mbl.is
Til sölu 16" álfelgur og snjódekk
Felgurnar eru original Mitsubishi 16", gatadeiling 108x5. Dekkin eru Firestone ...
110 fm sumarhús á Suðurlandi..
Sumarhús í Biskupstungum til sölu. Eru 2 hús, annað fullbúið og hitt með þrjú sé...
Dunlop Enasave Ec300
4 ný og ónotuð Dunlop Enasave Ec300 sumardekk til sölu. 215/50R17 Verð 40 þús...
UHD skjáir ( 4k )
Upplýsingar gefur Ólafur hjá Varmás ehf. sími 566 8144 ...