Sonurinn læsti iPadnum í 48 ár

Sonurinn komst í iPadinn og læsti honum kirfilega.
Sonurinn komst í iPadinn og læsti honum kirfilega. AFP

„Reyndu aftur eftir 25.536.442 mínútur“ stóð á skjá iPads í eigu bandarísks blaðamanns er þriggja ára sonur hans hafði ítrekað slegið inn rangt lykilorð. Evan Osnos, sem starfar hjá New Yorker-tímaritinu, leitaði á náðir Twitter, birti mynd af skilaboðunum af skjánum og spurði: „Uh, þetta lítur út fyrir að vera gabb, en þetta er iPadinn okkar í dag eftir að þriggja ára reyndi (ítrekað) að opna hann. Hugmyndir?“

Svo því sé haldið til haga þá eru 25.536.442 mínútur yfir 48 ár. Þannig að samkvæmt þessu getur Osnos-fjölskyldan notað iPadinn aftur árið 2067.

Í frétt CNN um málið segir að Apple-tæki læsi sér ef einhver reyni ítrekað að setja inn rangt lykilorð. Því oftar sem rangt lykilorð er slegið inn þeim mun lengri tíma verður tækið læst.

Fylgjendur Osnos á Twitter gáfu honum alls konar ráð, misgáfuleg þó. Einn sagði honum að setja iPadinn í poka af hrísgrjónum. „Ég tel tímaferðalög þinn besta kost,“ skrifaði annar. Einhver stakk upp á að setja hann í samband við aðra tölvu og endurræsa og annar stakk upp á að hann myndi endurræsa hinn þriggja ára gamla mennska sökudólg. „Ekkert mál, bíddu bara rólegur í þessi 48 ár,“ stakk svo einn upp á.

Samkvæmt upplýsingum frá Apple er hægt að fara með tækið á viðurkennt verkstæði þegar svona gerist og láta þar endurræsa það og uppfæra. Þá tapast öll gögn sem vistuð hafa verið á því. Osnos hefur einmitt farið að þeim ráðum.

mbl.is
Skrifstofuhúsnæði Bolholti 4
Til leigu er skrifstofurými, alls um 110 fermetrar, í austurenda á 5. og efstu ...
Vor í Tungunum, Eyjasól ehf.
Nú er að skella sér í sumarbústað um helgina og eða næstu... Rúm fyrir 5-6. Tak...
LÚGUSTIGAR - SMÍÐUM EFTIR MÁLI
Sérsmíðað, eigum á lager 68x85 og 55x113 Einnig Álstiga í op 45,7x56 eða stærra ...
Greinakurlari
Glussastýrður greinakurlari fyrir traktor, www.hardskafi.is Sími 896 5486...