Ungir og vinstrisinnaðir tístarar

Meðalnotandi á Twitter í Bandaríkjunum tístir tvisvar í mánuði, fylgir ...
Meðalnotandi á Twitter í Bandaríkjunum tístir tvisvar í mánuði, fylgir 89 notendum og hefur 25 fylgjendur. AFP

Twitter-notendur í Bandaríkjunum eru yngri, betur menntaði og halla frekar til vinstri á stjórnmálaásnum en íbúar í Bandaríkjunum almennt, samkvæmt niðurstöðum nýrrar könnunar Pew Research Center á notendum samfélagsmiðilsins.

Twitter-notkun 2.791 notanda var könnuð og gáfu þeir allir leyfi fyrir að láta nota aðgang sinn í könnuninni. Um 22% fullorðinna í Bandaríkjunum nota miðilinn á meðan 69% nota Facebook. Meðalaldur Twitter-notenda er 40 ár, sjö árum yngri en meðalaldur Bandaríkjamanna.

Athygli vekur að aðeins 10% notenda eru á bak við 80% tísta sem birtast á Twitter. Langflestir notendur tísta aldrei. Þá tístir meðalnotandi tvisvar í mánuði, fylgir 89 notendum og hefur 25 fylgjendur.

Það sem greinir tístarana helst frá meðalíbúa í Bandaríkjunum er að hann er yngri, skilgreinir sig frekar sem demókrata en repúblikana, er menntaðri og með hærri tekjur. Þá eru bandarískir Twitter-notendur líklegri en almenningur til að segja já við þeirri fullyrðingu að innflytjendur styrki samfélagið frekar en að veikja það. Það sama á við fullyrðinguna um að mismunun eftir kyni og kynþætti sé vandamál í bandarísku samfélagi.

mbl.is
Dunlop Enasave Ec300
4 ný og ónotuð Dunlop Enasave Ec300 sumardekk til sölu. 215/50R17 Passa undir t...
Málningar- og viðhaldsvinna
Getum bætt við okkur inni- og útiverkefnum. Vönduð vinnubrögð og góð umgengni. T...
Uppsetning rafhleðslustöðva
Setjum upp og göngum frá öllum gerðum rafhleðslustöðva Mikil áralöng reynsla ...
Frímerkjasafnarar
Frímerkjasafnarar Þýskur alvöru frímerkjasafnari vill komast í kynni við íslensk...